سوال لكل اعضاء المنتدي (هام وضروري )

اولا ازيك يا لوجي .. اخبارك ايه ؟
اول حاجه : الحب فعلا شئ جميل واللي بيميز حب ده عن ده .. هو الرغبة في الحب والشئ اللي بنتمناه منه .
تاني حاجه : لو سؤالك مبني علي النت وحب النت .. فأنا مش معاكي في النقطه دي لعدة أسباب :

1 - هانتكلم عن الأرتباط الروحاني بالمنتديات .. بنشوف أقلام كتير ، وبنحس كلام كتير من أعضاء المنتديات .. سواء شاب أو بنت .. بنعجب بهم وبطريقة كلامهم وبأسلوب حوارهم .. حاجات كتير ممكن نقرب منهم عن طرقها .. بس المنتديات للمعرفة والقيمة العلمية .. بمعني أن المنتديات وسيلة للمعرفة مش للحب .. أنا سجلت في منتدي .. طيب سجلت ليه ؟ عشان أحب ، ولا عشان أتعلم أشياء واخد فكرة عن أشياء تانيه .
2 - طيب الحب مش له مواقف بنحب بعض من خلالها .. أكيد في مواقف .. فأكيد مهما كانت المواقف علي النت عمرها ماتصنع حب بين أتنين ، ولكن ممكن بنسبة كبيرة يكون إعجاب ، وإعجاب مش بالشخص نفسه .. لالا إعجاب بطريقة الحديث ، والحب عمره ما يتبني علي إعجاب واحد .. لازم من حاجات كتير ومواقف كتير .. لآن كل أنسان وله موقف بيحب الشخص اللي ادامه من خلالها .
3 - طيب نيجي للنقطة بتاعت ان أنسان يحب أنسان من غير ما يشوفه .. طيب أزاي ؟ أنا لما أشوف أنسانه أدامي وبكلمها وبتكلمني .. بقدر كبير بحاول اتأكد من أنفعلات وشها .. قولت كلمة أدامها أنا قاصدها عشان أستشعر شئ معين وأعرف من خلاله بتحبني وبتبادلني نفس الشعور ولا لاء .. أنما أحب أنسان من غير ما اشوفة ماعتقدش .. أنا أدام جهاز كمبيوتر .. ماعرفش ايه اللي ورا الشاشة .. ماعرفش الشخص اللي وراها .. ممكن أقوله بحبك علي الشات ، وأحنا كشعب بنموت في الحاجات دي .. في ثانيه تلاقي اللي ادامك يقولك وانا كمان بحبك ، ومش بعيد وقتها يكون واحد صاحبه جمبه .. أنما لما أكون أدام أنسانه وعيني في عينها وأوقلها بحبك ، وأشوف رد فعلها في وشها ده شئ يعرفني مين اللي ادامي ومشاعره ايه ناحيتي .
4 - طيب نفترض أن أنسان حب أنسان في التليفون مثلا .. ماهو ماشفوش برضه .. يعني في نفس الموضوع .. أزاي أحبه برضه من غير ماشوفة .. أنا حبيت صوت وحبيت كلام بيتقال ، وعشقت ضحكة بسمعها .. طيب فين العيون اللي هاشوفها وأشوف فيها حبي ؟ فين القلب اللي هاسمع نبضه وأسمع أسمي بيتقال جواه ؟ فين الأيدين اللي ترتعش من الكلمة لما اقولها ؟ فين الخدود اللي يبان عليها الخجل لما أقول بحبك ؟ فين وفين وفين ؟

بجد موضوعك جميل يا لوجي ، وكان نفسي أتكلم فيه أكتر من كده .. بس كالعادة بحب أسيب مكان وكلام لغيري .
وأفتكري أن الأختلاف لا يفسد للود قضيه ، وزي ما محمد فريد قال .. دي وجهة نظري الشخصية
وكل أنسان وله وجهة نظر
وبضم صوتي لصوت محمد وننتظر باقي الردود