ليله امبارح
كنت بفكر فيك
بس تصدق جانى نوم
ولما نمت وحياتك
ماحلمت بيك
امشى ف سكه الاقيك قصادى
وتقول قال صدفه قال
آه منك انت يا محتال
خلى كلام غير ده يتقال
تاكل بعقلى حلاوه
وتقولى غيرك انتى مفيش
وأدور على سكه ليك
وألاقى مفيش
يا عم سيبك وحل عنى
والا وحياتك لقول لعمى
وساعتها يا حلو هتشتكى
وتقول يا همى ...
كان مالى ومال الى تشغل بالى
وتوصلنى لحد ما اشكى حالى
يا ابن الحلال بيتنا هناك
دق ع الباب تلاقينى بستناك
مفيناش حوارات وتلكيكات
والا تلاقى العيال ف الحارات
بيقولولك ابوك السقا مات
لو عاجبك يا روميو كلامى
تعالى وهتخلص من ملامى
ولو راضى بحالك
انا عمرى ماهبقى حلالك
وخليك عايش ف وهمك ده لحالك
